Psa 54 | MMX | STEP | O Moroa, una lox asepsu ia mi lolos taram, una lox asepmus ia mi lolos taram.

Psalms 54

Lisingising Ti Loxokok Basinge Lavamunepen

1 O Moroa, una lox asepsu ia mi lolos taram, una lox asepmus ia mi lolos taram. 2 O Moroa, una ronga lising tarak, una ronga ka levelinga rak. 3 Limixin loklok papavas di lok do dina esep minia; limixin belemamao di lok tong pen i do dina sep amer ia. Nedi mo limixin, kopmen dina doma solo ne Moroa. 4 Ketla i ruturun tinotno do ne Moroa ni loklok tooro rak. Leeme silok, ni Lentupe rak. 5 Lisingising tarak keretna, Moroa na vorang taba amlong di mi laxakapmek diga lox i ria. La ni naba sele utut kepe axap di; atla neni laradi ik lox asoorun levengkakaape ren. 6 O Leeme Silok, nia anaba lok letaba ru mi lomomo. Nia anaba tong loklok avukat tu atla nenu u lox avukat tinotno. 7 Uga lox asepsu ia basinge laxanmumuat axap tarak; la nia aga reven u, ugak sak tup tino mi limixin munepen minia.